Қыс келді, аялдамада автобус күту бұрынғыдан да қиын. Суықта ұзақ тұрмай, керекті бағыттағы автобустың қай жерде келе жатқанын 2ГИС картасынан онлайн режимде көре аласыз. Қосымшада автобус қозғалысы нақты уақыт режимінде көрсетіледі: қай маршрут келе жатыр, аялдамаңызға қашан жетеді — бәрі көз алдыңызда. Бұл сізге жылы үйден немесе ғимараттан дәл уақытында шығуға көмектеседі.
Ал егер автобус лық толы болып, терезеден аялдамаларды көру қиын болса, уайымдамаңыз! 2ГИС-тегі оятқыш функциясы керекті аялдамаға жақындағанда сізге хабар береді. Бұл мүмкіндік iOS жүйесіндегі қосымшада қолжетімді.
2ГИС-те «Онлайн көлікті» қалай қосуға болады?
- 2ГИС қосымшасын ашыңыз;
- оң жақ жоғарғы бұрыштағы «Линзалар» батырмасын басыңыз;
- «Барлық қабаттар» бөліміне кіріп, «Көлік картада» таңдаңыз.
Егер картадағы автобус белгілері уақытша қажет болмаса немесе кедергі келтірсе, «Көлік картада» қабатын өшіріп, қажет кезде қайта қоса аласыз.
Қала ішінде қозғалу әлдеқайда ыңғайлы, ал күнделікті өміріңіз жеңіл болу үшін 2ГИС-ті толықтай пайдаланыңыз!
